وين انت

وين أنت يا اجمل من تحلّيت
ــــــــــــــــــــ الروح في حبك غريقه

من دلة غيابك (تقهويت
ـــــــــــــــــــــ الثانية قبل الدقيقه

بنيت لك في داخلي بيت
ــــــــــــــــــ حوله نوافير وحديقه

بابه يهلّي بك ليا جيت
ــــــــــــــــ والمزهريات الانيقه

من شمعداناته تنقّيت
ــــــــــــــــــ لمّاعة اللون العريقه

لميت شمعاته وشبيت
ـــــــــــــــــ فاللي مثل بوحي رقيقه

..