ثواني

.
.
يا أجمل انتي قالها لساني .. ثواني 
ابغى اسألك عن عمرنا اللي مرّ وينه! 

من ليلة الترحال وعيوني مواني 
لاضمت طيوفك ولاشافت سفينه

ماغير ملح اليمّ بشفاه الأماني
والانتظار وفقد شيٍ تذكرينه

تخيلي شوق الأغاني للــ أغاني 
في صوتك اللي بالهدوء تطرزينه

تخيلي شكلي وانا وحدي واعاني 
امشي وتجرح حزني اضواء المدينه

واشوف ظلي جنب ظل انسان ثاني
يشرّ علي موادع بنظرة حزينه

هارب من اوجاعي ومن قسوة زماني
يشيل خذلانه على راحة يدينه

تحت الضجيج

.
.

تحت الضجيج بقافية
ومظة ونغمة ناي وايماءة سلام 

دام المعاني وافية
ارقى وترقى لي تفاصيل الكلام 

يا ام الكفوف الدافية
طرزت لك بوحي هدايا من غمام


بمطر وعينك غافية
واطرق براح العين شبّاك المنام


عسى الجروح الخافية
تبرى ويبرى المستصيب من الغرام


ويذوق طعم العافية
من ذاق طعم البعد في جنح الظلام 

..