الاثنين

طرق

.
.

انتهى صبري وعيني جفت حلو المنام / والسبب نزوة غرام
لو ما اخاف من المناقيد هليت الدموع / يمكن البلوة تهون .

ذايقــ ن طعم المحبة ومثلي مايلام / غنّ يافرخ الحمام
حرك القلب المتيم ورى حدب الضلوع / جرّ عذبات اللحون.

وصل لسيد العذارى تحيات وسلام / الغضي بدر التمام
قل غيابك طال مرة متى وقت الرجوع / لك حبايب يحترون.

مرهم يا الناعم المترف بليلة ظلام / واصبح بروق وغمام
عد وحاول تبني اللي هدمته ياقطوع / كان لك قلبــ ن حنون .


..

سالمة ياسلامة !

.
.
قالت فلان تدري وش منايه!
آخذ الحاجة اللي منك ابيها

قلت بشتي ومركاي وعصايه
فدوة عيونك السود اقبليها

قدمي البحر وانتي من ورايه
ابتدي خطوتي ولا انتهيها!

جمرة الحب خابرها حشايه
القضية ترى فيها وفيها

اعرف الدرب ما امشي في عمايه
وجهتي ياكثر حرصي عليها

لو تشعين نجمة في سمايه
سالمة ياسلامة وافهميها !

رواسي

.
.
ابنشر يامحمد عشانك في رواسي
واغني لك على اللحن هذا فاصغ ليه

تعبت من المراكب ومن حزن المراسي
هجرت الاشرعة ذيك والخيرة خفيه

شطبت الراقصة من سجلات السياسي
وفاض الوجد واحرمتها لمسة يديه

رميت اقلامي بساحة القصر الرياسي
قتلت احلامي المبطي بنية بريه

هربت بلوعتي وانفعالاتي وياسي
كثير اشيا مثل غيرها راحت ضحيه

لو ان الريم تقرا على باسي وكاسي
بريت مع احترامي لها والمقدريه

عسى باسبابها تشتعل جذوة حماسي
يعود احساسي من الدروب الجرهديه

ثمان ابيات وصلتك فالوقت القياسي
لك الله قمت اغني بها والشمس حيه

..

أجنحة

.
.


أجنحة!يا اللي مع الوقت تبرالي
ايّ حرية وانا اقول عطنيها!

لك ثمان سنين وانته تحلوالي
بالكلام الزين والناس ناسيها

خذ ثمن صبري وخذ حزن موالي
خذ وجع روحي على موت امانيها

في ظلامك حط الاول على التالي
القناديل انطفت ويش ابي فيها!

انتهت والحكم للعالي الوالي
جعل ربي عقب خربت يسويها


السبت

مواسم جفاف

.
.

يامزن برقك ليالي مابرق
ــــ كنّ الجفاف اقبلت مواسمه

طيّرت قلبي "فراشة" واحترق
ــــ باطراف "قنديل " حلمٍ راسمه

مادام "روما" نست كل الطرق
ــــ  يبقى ضياعي نتيجة حاسمه

 ابدفن اغلى المشاعر فـ الورق؟
ــــ واجامل اهل الثغور الباسمه


الجمعة

انت قل


..
انت قل
وانا استقل اجمل عباراتك واطير متل طير..
نحو معناك المثقف ،، المسقّف
بالتصاوير الانيقة ،، بالرقي
بالخيالات الطفولية وكل حرف
في الاخير ،،يشع ضي ،، يسيل مي
احتويه وعن عطش صيف ارتويه
تنبت اعماقي شعور
يورق احساسي وتثمر كل ردة فعل
وارجع من الجوّ طفل ،، كان قبل شوي طير
في سماك المفعمة بالطهر  بالشعر بالحب
بالنور ياطاغي الحضور

الأحد

لمّا تحن!



اصدق مواعيد الحزن 
لمّا تحن ،،
وتعود لك نفس الأحاسيس القديمة
والشجن ،،
ترجع لك وجيه ،، وعلاقات انتهت
واصوات من ذاك الزمن ،،
في حينها بس ابتحس
انّك حزين ،،
وانّك تعبت آتـعدّ زلات السنين
ويمطر من عيونك
مزن
..