للركن البعيد

راح للركن البعيد ..وفارق الجلاس
...........للظلام ..او لـ الألم ..او كركبة دنياه


راح في سمعه .. نزيف ..ورنتين اجراس
.......... يعتذر من نفسه لنفسه .. يلمّ اخطاه

واختفائه عن عيون الناس .. كان احساس
....... بالتوحد مع "جنونه" ..او .. شغف جوّاه !

كان يستلقي بذاكرْته .. ويعطش ناس
........ ينسكب ذهنه.. وتتساقط صور .. ذكراه !


كان موعد ..يشتعل به..وارتعاش انفاس
........ زي لحظة .غاب عن وعيه ..وعاد بــ آآآه !!

ضلعٍ اعوج

..
كلّ النسا ضلعٍ اعوج وانتي اسطوره
ـــــــــ يافاتنة بالحسن واسلوبك الراقي

احدتثتي بمملكة شعري صخب ثوره
ــــــــــ والهمتي المجتمع في عالم اوراقي

مشتاق لمشاهدك بالصوت والصوره
ــــــــــ حتى تشوفين فعلاً وش هي اشواقي

ابلمح عيونك الحلوات مبهوره
ـــــــــــ لاقلت احبك ،، ورفّ الطير باحداقي

الحب شيِ عليه النفس مجبوره
ــــــــ من دون ما اشعر يجي من قاصي اعماقي

ماهوب صورة وكم دمعة واباجوره
ـــــــــ لابين الصبح مايبقا لهن باااااااااااااقي !
..

بدوٍ حضر

.

شابت عيوني ورى باب السهر / وانا انتظر
ــــــــــــــــــ كم ليل مرّ ! وتعدّاني عمر ! / ياغايبه

من كثر ما احسب من ايام السفر / باح النظر
ــــــــــــــــــ واقول للدمع الازرق لانهمر / وش جايبه !

غابت عن لساني اسماء البشر / واسمك حضر
ــــــــــــــــــ تنبت حروفه شجر يسقط ثمر / مشهاي به

اللي تخبرين يكتب لك شعر / قلبه خضر
ــــــــــــــــــ باقي وبعده على مثل الجمر / لك سايبه

يوم التقينا على شط البحر / بدوٍ حضر
ــــــــــــــــــ حبات رمله تحت نور القمر / جت ذايبه

لحظة كشفتي عليها في حذر / وجهٍ نظر
ــــــــــــــــــ واخفيتي بكفّك الموت الحمر / متــ هايبه !

..

ياترى

،،
ياترى كم باب موصد خلفه بنيّة رقيقه
ـــــــــ تذرف الدمعة بغرفتها وتجرحها الثواني

بين تصديق الخيال وبين تكذيب الحقيقه
ـــــــــ تنتظر فرحة لياليها وتحقيق الأماني

يحتويها الشوق وترفرف عصافير الحديقه
ـــــــــ في زوايا روحها وتبدّد الحزن الأناني

من مشاعرها العميقة للدباديب الأنيقه
ـــــــــ ترسل انواع الزهور وتهدي اشعار وأغاني

كلّ مامرّ الصباح بنافذتها بلّ ريقه
ـــــــــ من بهاها واستفزّ احساسها باحساس ثاني

.

يارب سترك

..
يارب سترك ولطفك يا ارحم الراحمين
ـــــــــ من هالشعر والشعور اللي تراكم علي

اسرفت اعدّ المواجع واشتم الغافلين
ـــــــــ واستذنب بواحدٍ داله وقلبه خلي

طفلٍ نعس في خيالي ما انتبه للسنين
ـــــــــ حضن بهاه وتوسّد حلمه المخملي

حرّك شفاهه وفاحت ريحة الياسمين
ـــــــــ واحمرّ خدّه وكذبت بوصايا هلي

مايدري انّي عشانه والبدو راحلين
ـــــــــ عشيت ذيب الخلا كبدي وكبد جملي
..

يابعيدة

..

يابعيدة وين ودّتك الحياه
ـــــــــ والعمر يغفى على الجرح ويفيق

اذكريني كلّ مامرّتك آآآآه
ـــــــــ في وجيه الناس مع ذاك الطريق

فـ السهر فـ الشعر فـ اصوات الحداه
ـــــــــ فـ التعب فـ الوجد فـ الحزن الرقيق

فـ الوله في الصبح لاضمّك هواه
ـــــــــ فـ الحنين وكرسي المقهى العتيق

في الوحيد اللي حرق زهرة صباه
ـــــــــ تحت رمشك وآثر الصمت العميق
..

على المكشوف!

.

.

يا القريب المستريب الباين المخبوء
ــــــــــ في سويدا قلبي ارحم قلبي الملهوف

لاطرى لك شي تلقاني هنا مقروء
ــــــــــ شاعر اطرح فكرتي والعب على المكشوف

في الطريق الضيق المتعرّج المملوء
ــــــــــ بالفقر والجوع واحزان البشر والخوف

يتّضح معنى الضياع بحينا الموبوء
ــــــــــ ونتأمل في الحياة ولونها المخطوف

كـ الخيالات نتزاحم حول بقعة ضوء
ــــــــــ لين يأتينا خبرها نستمع ونشوف

علّها تجلى الظلام وينكشف هالسوء
ــــــــــ نرجع ( فــ غرب النسيم ) لوضعنا المألوف !

قل لابو تركي يابو ممدوح

.

.

قل لابو تركي يغني يابو ممدوح
ـــــــــــــــــــ وانت يا الله غنّ مثله على ليلاك


ياثنينه للحون الجداد صروح
ـــــــــــــــــــ حولها لجّة بحر واشتعال افلاك


السفير اللي يرد الخبر مذبوح
ـــــــــــــــــــ راسه معلق على عود شجْرة راك

والهنوف المترفة قلبها مجروح
ـــــــــــــــــــ مانفعها زينها الصارخ الفتاك


الضحية للاسف عشقها المفضوح
ـــــــــــــــــــ كل ماجت تبتسم ينقلب مناك


مال ابوها في خيال الفكر مصلوح
ـــــــــــــــــــ لكن الواقع ظلام وتعب وارباك


القضايا كلها سجلت فاللوح
ـــــــــــــــــــ تهمة بتهمة وياربنا رحماك!
..

أهل !

أهل من رسولٍ يبلغ القوم صرختي
ـــــــــــــــــ ذوي الشأن أرباب النفوس العظاميا

انا من بكى بحرقةٍ من فؤاده
ـــــــــــــــــــ لقتل الزهور اليانعـــات النواميا

وعذراء خدرٍ قد تكشّفَ سترها
ـــــــــــــــــــ واردت بطهرها فلول الظلاميا

لحى الله من هم دون شامٍ تقاعسوا
ــــــــــــــــــ تراخوا فمن يروي الكبود الظواميا

يد الكلب طالت وتمادى بظلمه
ــــــــــــــــــ فسلّط عليه يا إله الأناميا
..