..
(عَلَمْ) على راسك (بنخلة وسيفين)
ـــــــــــــــــــــــــــ لـ اعظم وطن مايلحق انصافه شكوك
صورتْك هاذي شقّت القلب نصفين
ـــــــــــــــــــــــــــ وانا بليّا ما اتحمّل وانا ابوك
افهم ياديما واعرف اللي تحسين
ـــــــــــــــــــــــــ لكن على الله حلّ الاوضاع متروك
سرب الطيور اللي عشانه تغنين
ـــــــــــــــــــــ هاجر يقول انّ السما مابه (شبوك
(عَلَمْ) على راسك (بنخلة وسيفين)
ـــــــــــــــــــــــــــ لـ اعظم وطن مايلحق انصافه شكوك
صورتْك هاذي شقّت القلب نصفين
ـــــــــــــــــــــــــــ وانا بليّا ما اتحمّل وانا ابوك
افهم ياديما واعرف اللي تحسين
ـــــــــــــــــــــــــ لكن على الله حلّ الاوضاع متروك
سرب الطيور اللي عشانه تغنين
ـــــــــــــــــــــ هاجر يقول انّ السما مابه (شبوك
خلاني ابرى له وانادي على وين!
ــــــــــــــــــــــ الوّح بيمناي وادعس على الشوك
ابغى المطير ولا لقيت الجناحين
ــــــــــــــــــــــ كني من رجولي على القاع ممسوك
ساكت وفي صدري تدور الطواحين
ـــــــــــــــــــــــ حلمي وحلمك دونه الباب مصكوك
ضيّعت نفسي في زحام العناوين
ــــــــــــــــــــــ مير اسأليهم عني ان كان مروك
أحيان احسّ انّي زعيم السلاطين
ــــــــــــــــــــــ تخضع لي بلاد وحضارات وملوك
واحيان زاهد ينتمي للمساكين
ـــــــــــــــــــــ منبوذ في الدنيا مشرّد وصعلوك
نشرت لعيونك على الفيس بيتين
ــــــــــــــــــــــ وانا منوّل ما اعرف الفيس و البوك
من غيمة المعنى لشمس البراهين
ـــــــــــــــــــــــ رش المطر جعله على الارض مبروك
..
